اسئلة بتجيب الجلطة

بتختك ونايم ومطفي الضو ومتغطي بالبطانية بيجي واحد من أهلك بيفتح الباب ويقول :
>
> شو نايم ؟؟*
>
> *لأ !! عم ارقص.. بس الوضع بيوحي إني نايم*
>
> ******************************************
>
> *معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه
>
> إجيتوا ؟؟؟*
>
> *لا والله لساتنا عالطريق، في عجئة بشارع جول جمال*
>
> ******************************************
>
> *لابس أحلى أواعيك ومتعطّر وشايل مفاتيح السيارة وجزدانك ورايح لبرات البيت،
>
> بيجي*
>
> * حدا من أهلك بيسألك، شو رايحلك شي مشوار !!؟؟*
>
> *لا والله طالع عالأسطوح صلّح صحن الديجتال*
>
> ******************************************
>
> *حامل سماعة التلفون وعم تبلش تدق بالأرقام، بيجيك عنصر مفاجئ من أهلك وعلى
>
> وجهه علائم الإستغراب والدهشة: بدك تحكي بالتلفون؟*
>
> لأ شو إحكي !!! بس كنت عم جرب صوت طنة الأرقام *
>
> ******************************************
>
> *حاطت راسك ونازل بهالكتب والدراسة، بيجي أبوك أو امك...: عم تدرس؟*
>
> *لا والله ...!! عم غير زيت للسيارة*
>
> ******************************************
>
> *مذيعة بيوم العيد عم تلف بالشوارع وتلطي ع كم مواطن وتسأل وبنفس الوقت هي
>
> بتجاوب: شو بتساوي اول يوم العيد ؟ أكيد بتروح بتزور الأهل والقرايب *
>
> *لا والله بالعادة بفكر العب شدة وماروح لعندهم *
>
> **********************************************
>
> نفس المذيعة بتشوف ولد بالشارع وبتساله؟
>
> حبيبي بتحب بابا وماما؟‎!!
>
> لا مابحبهم ,وما بطيقهن , بحب البوسنة والهريسك ... يعني اكيد بحبهم
>
>
> ******************************************
>
>
>
> *بتطلع بميكرو وبتحط هيك وبتطلع (خمسة)وبتعطيها للي ئدامك، وبكل برودة
>
> بيئلك: واحد ؟*
>
> *لأ 60 واحد ؟ ورجعلي الباقي **
>
> ********************************************
>
> *أشّر بأصبعته الكريمة لتكسي، وفعلاً وقفلو العينتين، بيسأله: فاضي؟*
>
> *لأ ... عندي 10 طلبيات، بس وقفت حيونة*
>
> **********************************************
>
> *بدك تنزل من الميكرو: عاليمين زكاتك.... بتتلقى الرد: نازل ؟؟*
>
> *لا والله بس عم جرب صوتي*
>
>
> *************************************************
> و تفضلوا بقبول فائق الاحترام .... بس ماتسألوني ليش انتهيت شي؟؟؟؟

شو خلصووووووووووو؟؟؟؟؟؟؟؟؟؟
NAWWAR حلوين شكرا الك

ههههههههههههههههههههههههههههههههه
يسلمو نوار فعلا بتجيب الجلطة
.....................................................................................................................................................................................؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟
؟؟؟؟؟؟؟؟
؟؟؟؟؟؟
؟؟؟
؟؟

لابس أحلى أواعيك ومتعطّر وشايل مفاتيح السيارة وجزدانك ورايح لبرات البيت،
>
> بيجي*
>
> * حدا من أهلك بيسألك، شو رايحلك شي مشوار !!؟؟*
>
> *لا والله طالع عالأسطوح صلّح صحن الديجتال*


هي احلى شي ميرسي نوار

هههههههههههههههه
عنجد حلوين يا نوار
يسلمووووووووو

نوارة مشكورة عن جد لاني ضحكت من كل قلبي لانها اسئلة منتشرة بشكل مو طبيعي

غو انا صار معي فصل من شي خمس ايام ذكرني بهالموضوع
كنا انا و امي عند دكتور و كانت الكهربة مقطوعة و الكل ناطر تيجي الكهربة لانو ما فينو يفحص حدا بدون كهربة مشان الايكو و التنظير هو دكتور داخلية
و نحنا قاعدين رح ننفجر من الانتظار فجاة اجت الكهربة
الكل اتشاهدو و اخيرا اجت الكهربة يالله دور مين قالت السكرتيرة اتفضلي للبنت اللي وقف عندها الدور قبل ما تنقطع الكهربة و فاتت فعلا و العيادة نورت بما انو الكهربة اجت و صار في امل
ييجي دوري
و وسط صمت المرضى و انين اللي بيتألمو رفعت راسها مرة موجودة و ناطرة دورها هي و ابنها و قالت بكل برووود :
شو ؟؟؟



اجت الكهربة !!!!و كل ملامحة بتشير الى التعجب و لا كانو النا ساعة رح نرفهع الاذان بعد شوي لانو اجت الكهربة و هي كانها كانت نايمة
قمت انا انجلطت و اتزكر هاد الموضوع
فعلا اسئلة بتجيب الجلطة

يسلمووووووووو
بس اكيد في اسئله اكتر من هيك ؟؟؟؟؟؟
الله يعطيك العافية

اول مرة بضحك من يومين
فعلا حلوين كتير
مشكورة