من طرف الى كل طلاب البكلوريا في محنتهم ا
انه يمر بعام استثنائي انه عام المصاعب و المكارب و الكوارث انه يدخل معركة مصيرية له بعد الابتدائية و الاعدادية و الاقوى الى الان ,انه المحارب هذا العام انه البطل , لكن من الممكن ان يكون عكس ذلك بعد النتائج فيكون المتخاذل و يكون المهزوم و المنكسر انه الخائف الذي ترجف ركبته قصبا ,انه طالب البكلوريا في بيتك , و الدك يقول لكم هسسسسسسسسسسس انه يدرس و الوالدة تفتح عليه الباب في سبيل الاطمئنان على دراسته و عمك الكريم يتصل و يسال عنه و الاقارب يشجعونه و الجيران يسالونه كلما مر من امامهم عن اخر اخبار دراسته انه شخص مهم في بيتك الكل يتعاطفون معه و الكل يؤيدونه و الكل يتدخلون في حياته و في تلفوناته الليلية المبهمة المرهقة الباكية الهامسة و على سكر هالتلفون و مع مين كنت عم تلعي يا (....)
و على زورة ابوية رفيعة المستوى من هون و صيحة اموية غاضبة من هون و تهكم اخوي من هناك و يتحول الشخص المهم في ثوان الي ممسحة عائلية من الصنف المهدور دمه
و في تحولاته اليومية هذه و تناقضاته يفكر طالب البكلوريا بكل شي ما عد الدراسة و يسال نفسه باكيا: ا
نو ليش ما بيقدر يطلع مشوار ,و ليش ما بيقدر يحكي على التلفون ,و ليش موبايله مصادر من قبل والده رئيس قسم مكافحة المكالمات الشخصية في البيت, و ليش ما بيقدر يتفرج على المباراة ,و ليش بده ينحرم من كاس الامم الاوربية بعد كم يوم و ليش ما بخلوه يتفرج على المسلسل التركي نور ,طيب على الاقل يحيى يلي بسنوات الضياع ,مشتهي شوف وجهه ,ما في غير عم اسمع صوته قصدي صوت زهير درويش ,ليش اخواتي عم يتفرجوا و يتفاعلو و انا عايش على الاصوات كاني على ايام الراديو ,ليش و ليش و ليش ..؟؟؟
و ليش يا امي بتفوتي كل لحظة شي حاملة عصير و شي حاملة قهوة و شي بسكوت و شي طبخة ليش ما بتخلوني اكل معكم ,ليش قاعد متل (....)لحالي ,و حتى اذا قعدتوني على الغدا معكم ليش ما عندكم حديث غيري, ليش ما بتحكوا عن نور و يحيى ليش بتنتظروني لحتى روح على سجني اللي سميتوا غرفتي لحتى تحكوا ,و ليش اختى مصرة تفسد عليي كل ما شافتني عم اسمع شي غنية على الراديو , و ليش ابي ببهذلني اذا ما فقت بكير, و ليش امي بتحطلي تلات منبهات فوق راسي , و ليش جارنا الغليظ المتظارف بيضل بقلي انو من رجله رح انجح بالبكلوريا, و ليش امي بدهي ياني ادرس طب و جيب مجموع عالي ,و ليش ابي موافق على انو جيب طب اسنان على الاقل, و ليش جارنا الثقيل بيضل بيقلي انو مستقبلي عواطلي كشاش دبان و مهندس شوارع,
ليش انا شو عامل ...؟؟؟؟ و الله ما عملت شي , بس السنة عندي بكلوريا ,و بدي انجح و عندي طريقتي ,بس ما حدا عم يسمعني و ما حدا عم يفهم عليي ,و كله بدو ياني اسمع كلام كله , و ما حدا بدو يسمع كلامي و تزداد الآمي
__ اي طلاع من هالبواب فوت على غرفتك ولاه ,ادرس ,ويا ويلك تلتهي هون وهون وتصفن لي شمال و يمين يا ويلك ويا ظلام ليلك , ادرس يافتى فالفحص قد اتى ,و لا مكان بيننا لليائسين و للمنهزمين اصحاب المقولة الانهزامية المتخاذلة ( خذ صفرا ولا تبالي ...فانما الصفر من شيم الرجال )لا مكان لمهندسي الشوارع على قولة جارنا الغليظ لك غلييييييييييييييييظ . ولك روح براءة !!!!
مع تمنياتي لكل طلاب البكلوريا بالتوفيق
» the best friend
» طريقة حذف الفيروس
» ألة موسيقية
» هل تعلم
» اهدي الـــورد >>>عنــد الرقــم خمسـه<<<< ..
» ,,,,كيف تعرف انك تشاهد التلفزيون السوري,,,,
» ما سر عبارة النساء أولاً ( ladies first )؟؟
» أغـلى الأشـيـاء في الـعـالـم