منتدى ترفيهي تعليمي

المواضيع الأخيرة

» سجل حضورك اليومي باستغفار الله.....
الأحد ديسمبر 04, 2011 8:25 am من طرف crazy girl

» the best friend
الخميس مارس 05, 2009 1:07 am من طرف RALOUSH

» طريقة حذف الفيروس
الخميس مارس 05, 2009 1:03 am من طرف RALOUSH

» ألة موسيقية
الخميس مارس 05, 2009 12:53 am من طرف RALOUSH

» هل تعلم
الخميس مارس 05, 2009 12:48 am من طرف RALOUSH

» اهدي الـــورد >>>عنــد الرقــم خمسـه<<<< ..
الأحد فبراير 22, 2009 5:03 pm من طرف آلاء..

» ,,,,كيف تعرف انك تشاهد التلفزيون السوري,,,,
الأحد فبراير 22, 2009 5:00 pm من طرف آلاء..

» ما سر عبارة النساء أولاً ( ladies first )؟؟
الخميس فبراير 19, 2009 4:09 pm من طرف MANAF

» أغـلى الأشـيـاء في الـعـالـم
الخميس فبراير 19, 2009 4:05 pm من طرف MANAF

التبادل الاعلاني


    كيف بتصير حلبي

    شاطر
    avatar
    NAWWAR
    عضو مشارك
    عضو مشارك

    انثى
    عدد الرسائل : 117
    العمر : 31
    تاريخ التسجيل : 08/04/2008

    كيف بتصير حلبي

    مُساهمة من طرف NAWWAR في الخميس أكتوبر 23, 2008 5:04 pm

    مشان تكون حلبي ؟ لك كتير هينة !!

    1- طلاع عل الكلية و شوف واحد من الشباب رفقاتك قاعد مع شي بنت و افروووووووووش معلاقك عليه و الزاق بدينو شي ساعة ليكفر

    2- يوم الخميس نزيل عل الموكامبو و اشروق كل البنات يللي بتشوفن بوشك مو بس تبصبص طالع راسك و اجرك من شباك الهنضاية و اجعووووور يامو ع الله ايش هل حلو لبين ما البنت تقلب معدتا

    3- يوم الجمعة الصبح مع وشك بالماظضاية 929 و عل خالدية مشان تجيبو غراض البيت مع الفول مشان تفطر مع العيلة و تتيسوا باقي اليوم

    4- المسا أكيد بدك تستقبل قرايبينك يللي بدن يبلطوا لل 12 بالليل و لما بدن يمشو و يصيرو ببيت الدرج ولول و سمع الحارة انو مييييت السلامة و ما حسبناها و تعوا لعنا و هنن نشالله نشالله و جيبو معكن راما و بتول و مرام

    5- السبت عل عزيزية لأنو انت كتير كوووول ووقف مع الشباب شي ساعة بالساحة و ما رح تبين أبدن انك ضرب براني

    6- الأحد عل حلاق مشان تظبط شعرك و يسألك شلون القصة ؟ و تقللو متل كل مرة لأنو الله محيي الثابت و قصتك العجيبة ما بتغيرا من لما كنت بالحفوضة

    7- التنين لعند جوسي و بس تخلص الوجبة يللي ما بتشبع ولد صيح ياااااااااااي شبعت مشان البنوتات يقولو عليك انك خفيف و ما بتاكل غير أكلات السينييه ( بس أكيد رح تشبع لأنك كنت معبي البانيو مخلوطة و شيرقا )

    8- التلاتا ع قهوة القلعة و فت برتيت الورق و لا تترك مسبة ما تقولا يا مأدب و اذا عجزت ألف شي مسبة مشان ما تنقطع القعدة الرومانسية

    9- الأربعا ع بوابة الشهباء و قسم مع الشباب و احكيلن ع الأفانطي الجديدة و الفقاس يللي فيا و شلون نيمت الشبح ع طريق الشام و شلون اشتريت بضاعة حقا مليون بس انت حربوق نزلتو للخمسمية ( و هي أصلن حقا فرنك و صطوك )
    و لما بدك تمشي شيل مفتاح السيارة و الموبايل متل ما بشيلو الجبسة و قسم ع هل شعب

    10- لما بدك تروح ع تلبيسة البيس هل كوسلا و ارقوص عربية و بعدين ع دورة العروس و افتحلا زمامير و شفط بالسيارة مشان البنات يللي معك يحبوك

    11- شيل معك ع طول مفتاح البيت و المعمل و السيارة و المكتب و الكاصة و السكرتون و الخزن و مفتاح المطمورة تبع أخوك بكري الصغير

    12- بس يصير عمرك 18 بلش تنق بالحجة مشان تفتل بنات حلب كلها مشان تلاقيلك الأميرة ماري أنطوانيت يللي بدا تنبلا فيك ( و أهم شي تكون بيضا و شقرا و عيونا زرق بهيمة فهيمة مو مشكلة ) و لازم الحجة تضل عم تفتل شي 20 سنة من بيت لبيت لأنو انت امبراطور زمانك و لازم تطلع بوحدة بتعقد متلك

    13- بس يقلب دولاب الشغل أكيد رح تطلع ع أوكرانيا مشان الصفقات التجارية !!!!!!!!! و قول لمرتك انك طالع ع روسيا شغل شهرين زمان ( شغل ها لا حدا يخطرلو شي تاني )

    شرح المفردات :























    كتير هينة : كتير سهلة

    الموكامبو : منطقة بحلب مشهورة بمطعم باباي ودوار الموكمبو اللي بشفطو عليه الشباب بالسيارات.

    اشروق : مشروحة بعدا ، تبصبص يعني تتطلع عليهون بعين جوعااانة

    الهنضاية : الهونداية اختصار لهونداا

    اجعووووور : صرخ بأعلى صوتك

    بالماظضاية : مازداية اختصار لمازدا 929

    خالدية : سوق لكل شيء بالبال

    ببيت الدرج : مدخل البيت

    ولول : صرخ وعلي صوتك

    عزيزية : منطقة بحلب مشهورة كتير وخاصة ساحة العزيزية بتلاقو فيها مشكل ملون من كافة الطبقات الراقية والمتحضرة والمحتضرة

    جوسي : بتحسنو تقولو محل صندويش وعصير مابشبع بنوب واسعارو واوا كمان قريب عالموكامبو وباباي ، وقت فتح المنطقة كانت ضلمة وماحدا يعدي من هونيك إلا بالمناسبات بس وقت فتح صار خط جديد


    بوابة الشهباء : كمان مطعم مرتب حلو مابو شي

    الأفانطي الجديدة : الأفانتي اختصار لهوندا افانتي

    الفقاس : التوربو تبع السيارة

    نيمت الشبح : سبقت سيارة مرسيدس ملقبة بالشبح وتركتها ورااااك بعيد

    حربوق : فستوق او ملعون

    صطوك : بضاعة فاسدة مابتسوى

    كوسلا : الكندرة الرسيمية اللي بكون كعبها قاسي مو مطاط
    avatar
    Best_flower
    مشرف نادي الأخبار الغريبة
    مشرف نادي الأخبار الغريبة

    انثى
    عدد الرسائل : 516
    العمر : 26
    تاريخ التسجيل : 17/10/2008

    رد: كيف بتصير حلبي

    مُساهمة من طرف Best_flower في الخميس أكتوبر 23, 2008 7:27 pm

    هههههههههههه حلوه بس بطلنا نصير حلبيييين
    avatar
    Best_flower
    مشرف نادي الأخبار الغريبة
    مشرف نادي الأخبار الغريبة

    انثى
    عدد الرسائل : 516
    العمر : 26
    تاريخ التسجيل : 17/10/2008

    رد: كيف بتصير حلبي

    مُساهمة من طرف Best_flower في الخميس أكتوبر 23, 2008 7:29 pm

    هههههههههههه حلوه بس بطلنا نصير حلبيييين

      الوقت/التاريخ الآن هو الأربعاء أغسطس 15, 2018 10:09 pm